Endurnærandi ferð til Finnlands fyrir þá sem vilja kynnast finnskri skógar- og eimbaðsmenningu.

​

Flogið verður til Helsinki en þaðan verður ekið til Eerikkilä þar sem gist verður fyrstu þrjár næturnar. Eerikkilä sport & outdoor resort er við tvö vötn umkringd skógum og fallegri náttúru. Farið verður í skógarferð í finnskan þjóðgarð í leit að villtum sveppum, í finnskt eimbað þar sem gestum gefst einnig kostur á að baða sig í köldu vatni, gönguferð með leiðbeinanda um Eerikkilä svæðið, auk afþreyingar sem þátttakendum er frjálst að velja úr svo sem fara á fatbike hjól, SUP, róa árabát, fara á klifursvæði, spila tennis og margt annað. Í síðari hluta ferðar verður hin einstaka borg Helsinki könnuð en þar má finna einstaklega fallega hönnun og byggingarstíl. Þátttakendur fá síðan frjálsan dag í lok ferðar þar sem þeim gefst kostur á að bæta við skoðunarferðum eða njóta Helsinki á eigin vegum.   

​

Eerikkilä Sport & Outdoor Resort er staður fyrir þá sem hafa áhuga á að vera umkringdir náttúru og bæta heilsu sína og vellíðan. Á staðnum er góð þjónusta og aðstaða fyrir ýmsar íþróttir, afþreyingu og útivist. Svæðið er umlukið finnskum skógum og vötnum og eru tveir þjóðgarðar í nágrenninu. Þar sem næring gegnir mikilvægu hlutverki í heildrænni vellíðan er lagt mikið upp úr gæði matar hjá Eerikkilä Sport & Outdoor Resort. Veitingastaðurinn E. Klubi er í Eerikkilä þar sem boðið er upp á hreinan, bragðgóðan og staðbundinn mat. Morgunverður, hádegisverður og kvöldverður er framreiddur á hlaðborði alla daga. Kaffihúsið Café Erik er við móttökuna, Café 49 á jarðhæð félagsheimilisins og Café Erika í Útivistarmiðstöðinni. Hægt er að velja um nýbakaðar kökur, samlokur, veitingar og snarl. Café 49 býður einnig upp á sérlagað kaffi, lítinn snarlmatseðil og áfengi. 

Gist verður í standard tveggja manna hótel herbergi með baðherbergi í 3 nætur. 

​

Radisson Blu Royal Hotel er nútímalegt hótel í Kamppi hverfinu, miðsvæðis í Helsinki. Almenningssamgöngur eru staðsettar hinum megin við götuna frá hótelinu sem gera það auðvelt að kanna finnsku höfuðborgina. Verslanir, söfn og skemmtistaði eru í göngufæri frá hótelinu meðal annars Kamppi 6 hæða verslunarmiðstöðin og Tennispalatsi menningarmiðstöðin. Veitingastaður hótelsins er Bistró Johan, þar er hægt að fá klassískan mat með nútímalegu ívafi, auk úrvals af drykkjum og vínum. Gestir hafa aðgang að Selkrig Performance Unit líkamsræktarstöðinni í næsta húsi þar sem hægt er að taka góða æfingu áður en slakað er á í finnska eimbaðinu. Á hótelinu eru meðal annars ókeypis Wi-Fi og loftkæling í herbergjum.  

Gist verður í standard tveggja manna hótel herbergi með baðherbergi í 2 nætur.